Shri Sai Parankar Sanstha's

आर्वी येथील सुपुत्र डॉ. रवींद्र परणकर यांना ‘लंडन बुक ऑफ वर्ल्ड रेकॉर्ड’ संस्थेकडून सन्मानित करण्यात आले आहे. ग्रामीण भागातील तंत्रशिक्षण आणि रोजगार निर्मितीसाठी केलेल्या असाधारण कार्याची दखल घेऊन हा सन्मान प्रदान करण्यात आला.

डॉ. परणकर यांनी स्थापत्य अभियांत्रिकी क्षेत्रात शिक्षण घेतल्यानंतर ग्रामीण भागातील विद्यार्थ्यांना उच्च दर्जाचे शिक्षण उपलब्ध करून देण्यासाठी आणि त्यांच्यासाठी रोजगाराच्या संधी निर्माण करण्यासाठी अथक प्रयत्न केले आहेत. विशेषतः, त्यांच्या महाविद्यालयातून उत्कृष्ट अभियंते निर्माण करून त्यांना रोजगाराच्या अनेक संधी उपलब्ध करून दिल्या आहेत.

त्यांच्या या कार्याची दखल घेऊन त्यांना हा सन्मान प्रदान करण्यात आला. यापूर्वीही त्यांना २०२२-२३ साठी ‘बेस्ट प्राइड ऑफ नेशन’ हा पुरस्कार आणि २०२३-२४ साठी ‘बेस्ट टीचर ऑफ इंजिनिअरिंग’ हा नॅशनल एज्युकेशन अवॉर्ड मिळाला आहे. डॉ. परणकर यांना महाविद्यालयीन अधिकारी, कर्मचारी आणि आर्वीकरांनी अभिनंदन केले आहे.